韓風西餐cafe復活節套餐 炸雞拼盤有驚喜

以蛋包飯做招牌菜嘅韓風西餐cafe，每逢節日都會推出新菜式，好有心思 三月做緊復活節嚐吃套餐，一個價錢包括兩份主菜、一份肉類、甜品同兩杯自選飲品，相當豐富 ✨炸雞拼盤 炸雞新鮮炸起，薄薄一層粉漿食落唔油膩 皮脆肉嫩咬開有肉汁，根本係韓式炸雞專門店水準👍🏻質素令人驚喜 炸雞一共有六款口味，拼盤可以揀三款，揀咗甜辣醬、蜜糖同柑橘 甜辣惹味帶微辣，柑橘口味清新夠特別，當中最鍾意蜜糖味 ✨咖喱甘筍蛋包飯配漢堡扒 蛋包飯賣相滿分💯雞蛋切開呈半生熟狀態，果然係招牌菜！ 配上香濃咖喱汁同炒飯底好好味 漢堡扒大大件口感鬆軟一啲都唔鞋 ✨甘筍汁香脆豬扒長通粉 吉列豬扒香脆肉嫩軟腍，而且份量好多 甘筍汁帶點甜味估唔到都幾好味 ✨甘筍芝士蛋糕 有甘筍裝飾喺蛋糕面造型可愛好應節😍 芝士蛋糕細滑，餅底係傳統carrot cake，玉桂味突出唔太甜 ✨白桃甜蜜梳打 & 焦糖脆脆鮮奶咖啡 白桃梳打係春天新出嘅飲品，粉紅色好靚😍仲有新鮮桃肉粒前粒，飲落好香桃味 焦糖咖啡面頭焦糖脆幾好食，如果畀多幾粒就好😂 #BANCHANandCOOK#omurice#friedchicken#koreacafe#cafe#croffle